✨防曬分享-Part2✨
大半年前介紹左3枝防曬我用完冇再回購，#stayreviewsunscreen 所以今次黎個part 2講下我2019試過既防曬用後感☺️
首先提返大家我係超乾皮唔會出油咁濟，易敏感易出暗粒既肌膚🙈
以下有三枝係物理性防曬，二枝係化學性防曬～我係長期各有一款係身事關我自己係prefer化學性因爲清爽d⋯不過皮膚有時敏感就會轉用返物理性但都唔可以長期用，特別夏天用有時會令我焗暗粒😢
話就話物理防曬係比較好因為唔會吸收入皮膚，其實都未必個個岩用所以我建議睇返自己preference或者可以好似我咁隔住黎用🤣
‘
👉🏻Ampleur Luxury White W Protect SPF 50 PA++++👈🏻
呢枝好似唔係物理防曬？我見好多人話佢係，有d又話佢唔係⋯不過我用落既感覺似唔係因為佢吸收得好快😂
我超乾皮冬天用係會覺得乾但夏天用岩岩好，cream texture好舒服唔怕笠！可能係咁多枝以下落黎要介紹最岩油皮既一枝😳
未試過同我任何底妝打架，冇擦膠粒問題👍🏻
有埋美白成分雖然我唔係好感受到，都冇泛白問題，係衰在比較貴同好快用曬咁🙈
‘
👉🏻Curel UV Protection Milk SPF 50 PA+++👈🏻
呢枝係算最唔笠既物理防曬，鐘意佢可以搽埋身！去旅行拎呢枝最岩唔洗拎多枝😝 其實我日常搽身都係用呢枝，係有層野係皮膚上咁既感覺但唔會令到你好想快d洗左佢～
佢係乳液狀，好容易推同埋呢佢推開係有dd粉感架！可能就係咁所以搽全身都唔會感覺「油林林」咁！我覺得呢枝混合肌會岩用！
都冇泛白打架問題-passed！👍🏻
未試過物理防曬又想試既話我推薦由呢枝入手試下鐘唔鐘意個感覺先🙏🏻
‘
👉🏻Fancl Sunguard Protect UV SPF 50 PA++++👈🏻
聽講係日本買平好多，不過都好多時sold out😳
全物理防曬乳液，超超超流質！上面係有dd油油地好滑既感覺，輕微泛白不過係接受到的～
一開頭未用慣硬係覺得未搽均勻咁😂
雖然我唔係試過好多物理防曬，不過我覺得都唔算厚啦以佢咁高spf黎講🤔
feel到佢ok保濕，我覺得呢枝正常/乾肌岩用！係一年四季都ok既物理防曬👍🏻
‘
👉🏻Dermacept Vitamin C Protect UV Milk SPF50 PA++++👈🏻
好似都係物理性防曬，又係有美白成分又係睇唔到功效～岩岩個冬天既最愛！夏天用真係唔太頂得順😂
係會feel到笠笠地潤潤地，不過都係唔係厚身架只係會有一層野係面上既感覺，會感覺好protected但我諗係要用多幾次先會習慣🙈
唔泛白不過試過幾次同drunk elephant打架起擦膠粒😢 所以我覺得呢枝係最岩乾皮同埋冬天！
‘
👉🏻Giorgio Armani Moisturising UV Filter SPF 50+ PA++++ (gifted)👈🏻
早排review過，保濕度極高既化學性防曬，有埋護膚抗衰老功效，期待成為今個冬天既最愛！😝
為左唔想爆字我唔係到repeat之前既用後感啦！好似我咁既超乾皮可入手！有興趣就去 #stayreviewarmani 睇返❤️
‘
👉🏻Biore UV Spray SPF15 PA++++👈🏻
呢枝我主要用途係有時係室外全日想補防曬就會用到佢，唔會笠我都幾鐘意！不過spray好易搽到唔均勻同埋好快用曬咁所以我都係有時太懶既時候先用😳
‘
往往防曬都有好多兩極既用後感，所以都係建議大家有得試就試左上手先好買🙈
不過真係一定要搽防曬呀！！！！💕
如果有其他膚質用過以上既防曬歡迎係comment分享下你地既用後感，因爲我乾皮冇辦法比最準確既review比其他膚質喔☺️
#防曬分享#防曬#ampleurhk#curelhk#dermacepthk#fanclhk#armanibeautyhk
Search